Dadku iskiis ayuu u yahay nuxur-sameeye aad isugu hawla dabeecadda, isaga oo hindise toolmoon ku soo biiriya noloshiisa iyo tan ku xeeranba. Ololaha nuxur-samaynta ah ee dadku ku soo jiray intaas oo qarni waa mid si cad natiijadooda maanta loo dareemi karo. Masaladaasna sooyaalka aadanaha ayaa si fiican looga baadhi karaa. Fanku sidiisaba waa tab hagaagsan oo wax loo qabtay ama loo qabto. Qabashada wax iyo nuxuraynta isla waxaas, ayaa la yidhaa fan. Masalan, suugaanta, shaxanka, luuqda iyo codaynta, shubista ceelasha, sawirgacmeedka, raridda gaadiidka, soohitaanka walxaha iyo aslitaanku, waa heerar faneed oo maskaxda aadamigu curisay, kuwaas oo ay nuxur iyo ujeedooyin kala-duwan ka lahayd.
Noloshu waxa ay ku jirtaa hayaan dheer, kaas oo dadka marinaya isbaddel jidheed, mid garaad, mid aqooneed iyo mid nafsadeed intaba. Xaalad sugnaanshiyo ku waaraysana ma jirto. Si sidaas la mid ah waxqabadka dadku waxa uu ku jiraa socod joogto ah, waxa uuna hadba isla baddelaa duruuftooda waqtigaas iyo aqoontooda nolosha. Halabuurkii fanaysnaa ee beri beryaha kamid ah maskaxda dadku hindistay kaas oo macno u lahaa duruuftoodii berigaa, waxaa maanta loo yaqaan “Fanhiddeed”. Waxa uu noqday taariikh iyo waayo laga soo gudbay oo nuxur weyn uma laha sidii hore. Halkaas waxaa ka cad in fanku yahay hadba waxa ugu quruxda badan ee maantaa lagu nool yahay. Halkan uga hadli mayno fanka madhintaha ah ee aan macnihiisu doorsoomin.<\/p>\n\n\n\n
Garashada dadku waxa ay ku socotaa xawaare aad u dheereeya maalin walbana waxaa cusub hadba wixii markaa nuxur u leh nolosha iyo nafsadda dadka. Taas baa ugu wacan in halabuurka fanku si joogto ah isu bedbeddelo maskaxda dadkana aad loo gujeeyo. Waayaha fanka filimadu aad buu u gaaban yahay marka loo eego sooyaalka fanka kale. Qiyaastiina fanka filimadu waxa uu noqonayaa kii ugu qiimaha badnaa ee aadamigu hindisay. Waa tab cajiib ah. Dhawaalgalnimada fankaas iyo xiisaha curintiisa iyo sidoo kale xaddaaradda casriga oo uu soo dhawayn diirran ka helay, ayaa keentay in waxsoosaarka faneed ee dunidu xilliyadii ugu dambeeyay uu u badnaado fankaas filinsamaynta, taasina waxa ay sababtay in ilaa iyo maanta aan laga haqabgoyn.<\/p>\n\n\n\n
Sida aqoonta, farsamada iyo baraarugga ummaduhu u kalasarreeyo, ayuu halabuurkooda filinna u kalasarreeyaa, oo u kala mudhaa una kala muhiimsan yahay. Ummadaha dibudhacayna kuma sii jiraan, innaguna kumaba sii jirno oo weligeen waynu ku liidannay fankaas filinsamaynta. Taas wax ugu wacanba weligeen dhab uma aynaan yeelan hindise filin iyo baraarug ku saabsan fankaas, xitaa intii dawladdii dhexe jirtay sidii ay jaadadka kale ee fanku cirka isugu shareereen filinku ma helin kaalin lagu tiriyo ama door muuqda oo uu qaatay. Halkaas waxaa mar qudha ka wada bannaanaaday laba daleelood oo xagga macnaha iyo miisaamka ka la culus: filinsamaynta iyo dhaqanka shineemada.<\/p>\n\n\n\n
Ereyga “shineemo” waxa uu luuqad ahaan u macnaysmayaa kob filin lagu daawado, mar kalena waxa uuba noqonayaa is la filinka qudhiisa. Haddaba, ujeedka qoraalkani waxa uu ku socdaa macnahaa hore. Adeegyada shineemadu waa dhaqamadii ugu tayada wacnaa ee magaalowgu watay, isla jeerkaasna filimadu gelbinayeen. In filin la sameeyo waxay ahayd hindise faneed oo dadku caajiska nolosha kaga dhuumanayeen, dhanka kalena filimadu waxay sii ahaayeen il aqoon oo bulshooyinku waaya’aragnimo iyo ilbaxnimo ku wadaagaan. Shineemooyinkuna waxa ay ahaayeen ilaa iyo haddana yihiin haloosiyadii uu fankaasi u soo marayay. Kolkaa si aad loo garan karo, ayaa xidhiidh culus uga dhexeeyaa filinka iyo shineemada, taas oo ka dhigan haddii mid la waayo in kan kalena la weynayo, ama ugu yaraan ay suqullul noqonayso sida lagu helo.<\/p>\n\n\n\n
Tan iyo maantii uu burburay qarankii ay Soomaalidu ku midowday, wax walba oo nolosha dadka isku haayayna meesha ayay ka baxeen. Jaadadkii fanku waxay ahaayeen wixii ugu horreeyay ee burburkaa raacay, waayo meel ay nabadi ka jirto, ayay halabuur iyo fanna ka jiraan. Ilaa iyo maantana cidna waxba iskama waydiin waxa ay Soomaalidu burburkaas ku wayday mood iyo noolba, kollayna diyaar uma aha in ay iswaydiiso. Goobihii madadaalada bulshada sida; shineemooyinkii, tiyaatarradii, garoomadii ciyaaraha, iyo madxafyadiiba, waxa ay noqdeen kuwo burburay, kuwo la deegaamaystay iyo kuwo la dhalanrogay oo shakhsiyaad gacanta ugu jira. Taasi wax la la yaabo maaha marka aynnu Soomaaliya ka hadlayno. Waayo waxa aynnu ka hadlaynaa qaran fashilmay.<\/p>\n\n\n\n
Sidiisaba, waxsoosaar faneed oo dhan waxa uu u baahan yahay meel lagu daawado oo lagu soo bandhigo, isla jeerkaasna laga iibiyo lagana iibsado. Haddii uu intaas waayana ma jirto sabab uu fankaasi horumar u gaadhi karo, bulshaduna uga haqabbeeli karto. Cuqubadaasi waa ta filinkeenna haysata. Ma jirto shineemo. Shineemo la’aantu waxa ay cuuryaamisay waxsoosaarkii fanka qaybihiisa kala-duwan, gaar ahaan filinka. Burburkii dawladnimadu waxa uu sababay in ay shineemooyinkii waddanku burburaan, burburkii shineemooyinkuna, waxa uu sababay burburkii filimada. Shineemo la’aantu in ay sababtay filin la’aan ma ahan masalo taariikheed uun ee waa mid maanta si toos ah loo caddayn karo marka la fiiriyo tayada iyo tirada filinsamaynta Soomaaliyeed, kuwaas oo aan haysan shineemo lagu daawado iyo tiyaatarro kale oo lagu soo bandhigo toona.<\/p>\n\n\n\n
Waxaa iyaduna wax la fahmi karo ah waddanku markii uusan lahayn xarumo madaddaalo in dadkiisu u jabaan meelo kale oo ay kulka nolosha kaga nefisaan. Maanta, dhulka Soomaalidu ma laha xarumo lagu bulsheeyo kuwaasoo loo madaddaalo tago. Ma laha shineemooyin wax lagu daawado iyo cawaysyo ciyaaro lagu dheelo. Ma laha goobo riwaayado lagu dhigo iyo bandhigyo heeso. Ma laha golayaal nafta lagu doojiyo oo loo tamashle tago. Haddii la helo tiro aad u yarna ma taya badna. Fankii isboortiga\u2014qaas ahaan kii kubadda cagta\u2014oo awalba ahaa mayd ay dhallinyaradu baqti afuufeen, maanta waa uu iska baabba’ay. Keliya waxaa jira mukhbaarado balwadaha lagu la dhuunto iyo masaajidyo tirobeel ah oo diinta lagaga ganacsado.<\/p>\n\n\n\n
Madaddaaladu nafta bulshada, waxa ay u tahay dhaymo iyo wacyi wadajira. Madaddaalo la’aanta waddankeenna ka jirta, waxa ay sababtay in dadku nafta ka curqaan oo nolosha ku caajisaan. In qofku nolosha ku caajisana waxa ay dhashaa in uu xumaan iyo nacayb oo dhan jaanis u helo. Taas iyo boqollaal sababood oo isbiirbiirsaday baa sababay in maanta qofka Soomaaliyeed miino soconaysa yahay, kaas oo mar walba kugu qarxi kara. Taana waxaa sababay, sida culuunta nafsadda bulshadu qabto, in qofku muddo dheer dareen ahaan aabburnaa. Aabburnaantaasina waa tan dhalisay in qofka qudhiisu is naco oo uu isagu halis isku noqdo.<\/p>\n\n\n\n
Madaddaalo la’aantu waxa ay keentay halabuur la’aan. Halabuur la’aantaas oo iyaduna keentay in wax aad u yar oo aan macno lahayn malyuumaad qof mar qudha ka hadlaan oo maaweelo ka dhigtaan. Meeqa jeer iyo meeqa gole ayaad ka maqashay “Gurigee ku dumay” iyo “Abti ii soo celi” iyo “Dhiiqaa lugaha la guu gelihooyaa?” Dhowrkaas weedhood ee macnadarradda ah waxa ay maalmo iyo maalmo maaweelo iyo hadalhayn u noqdeen malaayiin qof oo nafta ka curqay. Wax lala yaabana ma ahan marba haddii aysan jirin meel kale iyo wax kale oo ay ku madaddaashadaan oo xaaladdaas ka badbaadiya.
Dhinaca kale shineemooyinku waxa ay halabuurka filin ee dunida oo dhan u yihiin masrax tayooyinkooda lagu bidhbidhiyo. Waxa ayna dadka ku beeraan jacayl iyo masayr, ay wax ku hindisaan oo halabuur toolmoon ku bahardaadiyaan. Dhaqanka shineemadu waa kiciye maskaxda dadka mideeya oo u samaysan in uu qofka cariyo. Docda kale, shineemooyinku waxa ay hal mar wada buuxinayaan boosas badan. Waxa ay hooy iyo xarun u yihiin dhammaan waxsoosaarka halabuur ee dalka. Ma jiro halabuur faneed oo ka maqan waxqabadka shineemada, waayo shineemooyinku waxa ay suurogaliyeen, isla markaana fududeeyeen in meel qudha iyo waqti qudha la wada helo adeegyadii kaladuwanaa ee halabuurka bulshada oo dhan.<\/p>\n\n\n\n
Bulshada Soomaalida dhibkeeda ugu weyni, ma ahan in ay dhibaato qabto ee dhibkeeda ugu weyn waa in aysan dhibaatadaasi qornayn. Marba haddii aanay dhibaato qornayn oo aysan qeexnayn, kama duwana wax aan dhicin. Waa sababtaas ta u wacan in ay Soomaalidu maalin walba mashaqo weligeed jirtay mid cusub ugu moodayso. Sababtu waa bulshada oo ah bulsho afeed. Bulsho’afeedkuna si ay akhriskaqoraalka wax ku barato, waxay qaadataa muddo aad u dheer iyo ilbaxnimo qiima sare ku kacaysa. Innaguna, in aan nahay bulsho’afeed waxaa inoo sii dheer xaalad nafsi ah oo caqliga xooladhaqata ku sidkan. Waa waxa “fudaydka bulsheed” la yidhaa. Fudaydka bulsheed waa xaalad nafsi ah oo bulshooyinka ku dhacda taas oo u diidda in ay kaadsiimo nafeed yeeshaan.<\/p>\n\n\n\n
Marka bulshadu bulsho’afeed tahay, sida culuunta bulshadu qabto, waxa ay bulshadaasi aad u gu furfuran tahay dhaqanka daawashada, baddelkii ay u furfurnaan lahayd dhaqannada kale ee akhriska ama qoraalka. Haa, bulshooyinka caynkaas ah waxa ay leeyihiin dhaqan daawasho iyo taleexin ah. Taleexintu waa sheekowadareed bulsheed. Haddii qeexitaankan lagu duldhiso xaqiiqda bulshada Soomaalida, waxaa soo baxaysa war aad loogu guuxi karo. Warkaasi waa in Soomaalidu tahay bulsho daawasho oo ay dhaqanka daawashada leedahay, taasina waa sababta ay kiniyada kooban waddanka shineemooyin badan uga hirgaleen. Waayo shineemooyinka iyo tiyaatarradu waxa ay shacabku ka heleen milgayn iyo soo dhawayn diirran.
Waa run in guud ahaan burburkii fanka sababtiisa ugu weyni ay ahayd burburkii dawladda, laakiin waxaa iyana la hilmaami karin warmihii cuslaa ee ay Wahaabiyadu fanka la dhaceen. Fikirka diineed ee Wahaabiyadu waxa uu afartankii sanno ee ugu dambeeyay aad ula dagaalamayay fanka iyo dhaqanka Soomaalida. Dagaal aan waxba loola hadhin ayaa lagu qaaday kaas oo ugu dambayn sababay in fankiina qaxo, tabtii dadka. Markaa, hala yaabin haddii aad aragto jilaa ama fannaan ama majaajilayste Soomaaliyeed oo carro’edeg ka soo baryootamaya ama ka soo barooranaya. Waxa uu ka cararay seeftii diimaysnayd, kolna carabaysnayd, ee ay Wahaabiyadu waraarinaysay. Waa seeftii ku hawlgali jirtay “Bunayatii bunayatii”.
Sidoo kale, shineemooyinku waxa ay wateen ilbaxnimo waalli ah iyo iskufuran bulsho, taas oo door muhiim ah ka qaadata habdhiska shucuubta madaniga ah. Waxa ay wateen aqoon afeed, mid dhaqan, mid deegaan, iyo mid bulsheed intaba. Laakiin, nasiibxumo waxaas oo dhan shineemooyinkii burburay ayay raaceen. Hadda, ummaddii waa ay kala dhu’yaaleen, wax mideeyana ma jiraan. Dadkii nafsaddii waa ay ka caajiseen, oo maaweelo la’aan ayay noqdeen. Halabuurkii faneed waa uu joogsaday, waddankana waxaa ku dhacay musallaf faneed. Waana la is nacay. Xaqiiqatan, dhibaatooyinka ugu badan ee ay Soomaalidu maanta ku jirto, waxaa ugu sii ba’an shineemo la’aanta. Bal sawiro caasimad aan shineemo lahayn?<\/p>\n","protected":false},"excerpt":{"rendered":"
Dadku iskiis ayuu u yahay nuxur-sameeye aad isugu hawla dabeecadda, isaga oo hindise toolmoon ku soo biiriya noloshiisa iyo tan ku xeeranba. Ololaha nuxur-samaynta ah ee dadku ku soo jiray intaas oo qarni waa mid si cad natiijadooda maanta loo dareemi karo. Masaladaasna sooyaalka aadanaha ayaa si fiican looga baadhi karaa. Fanku sidiisaba waa tab […]<\/p>\n","protected":false},"author":12,"featured_media":2145,"comment_status":"open","ping_status":"open","sticky":false,"template":"","format":"standard","meta":{"inline_featured_image":false,"_monsterinsights_skip_tracking":false,"footnotes":""},"categories":[30,34,33,31,37,32],"tags":[],"class_list":["post-2143","post","type-post","status-publish","format-standard","has-post-thumbnail","hentry","category-curisyo","category-dhaxal-iyo-taariikh","category-farsamada","category-gadaasha-kamarada","category-maxaa-cusub","category-xiddigaha"],"aioseo_notices":[],"_links":{"self":[{"href":"https:\/\/shineemobanaadir.so\/index.php?rest_route=\/wp\/v2\/posts\/2143","targetHints":{"allow":["GET"]}}],"collection":[{"href":"https:\/\/shineemobanaadir.so\/index.php?rest_route=\/wp\/v2\/posts"}],"about":[{"href":"https:\/\/shineemobanaadir.so\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/shineemobanaadir.so\/index.php?rest_route=\/wp\/v2\/users\/12"}],"replies":[{"embeddable":true,"href":"https:\/\/shineemobanaadir.so\/index.php?rest_route=%2Fwp%2Fv2%2Fcomments&post=2143"}],"version-history":[{"count":2,"href":"https:\/\/shineemobanaadir.so\/index.php?rest_route=\/wp\/v2\/posts\/2143\/revisions"}],"predecessor-version":[{"id":2147,"href":"https:\/\/shineemobanaadir.so\/index.php?rest_route=\/wp\/v2\/posts\/2143\/revisions\/2147"}],"wp:featuredmedia":[{"embeddable":true,"href":"https:\/\/shineemobanaadir.so\/index.php?rest_route=\/wp\/v2\/media\/2145"}],"wp:attachment":[{"href":"https:\/\/shineemobanaadir.so\/index.php?rest_route=%2Fwp%2Fv2%2Fmedia&parent=2143"}],"wp:term":[{"taxonomy":"category","embeddable":true,"href":"https:\/\/shineemobanaadir.so\/index.php?rest_route=%2Fwp%2Fv2%2Fcategories&post=2143"},{"taxonomy":"post_tag","embeddable":true,"href":"https:\/\/shineemobanaadir.so\/index.php?rest_route=%2Fwp%2Fv2%2Ftags&post=2143"}],"curies":[{"name":"wp","href":"https:\/\/api.w.org\/{rel}","templated":true}]}}